11ª Xornada: BALONMÁN CANGAS 42-25 Esc. Mcpal. CAMARIÑAS

Unha vez máis, ante o derradeiro partido do ano 2011, o noso equipo colleitou os dous puntos. Foi un ano moi completo. A tempada pasada rematou moi amargamente, consumándose o descenso do equipo a 2ª división do balonmán galego. Nembargantes, en lugar de desilusionarse polo fracaso esta tempada comezou con novos aires, cun novo equipo, unha nova estructura e sobre todo con moita ilusión. E os feitos demóstrano xa que o equipo xuvenil do Balonmán Cangas non coñece a derrota e sempre mostrou grandes actitudes e deixou clara a su intención de conseguir o ascenso dende o principio. E isto foi o que se reflexou neste partido, que se pode dicir que foi bastante sinxelo, debido a diversas circunstancias.

Xa dende o principio os locais impuxeron a súa superioridade deixando a un Camariñas tocado xa na primeira metade. Os de Rebolo marcharon aos vestiarios cunha cómoda vantaxe no electrónico, polo que o míster non tivo que dicir moito durante o descanso. A segunda metade aínda se puso máis de cara xa que prácticamente no comezo foi expulsado un dos xogadores visitantes, os cales non tiñan xogadores suplentes. Isto fixoos xogar con 5 durante a maior parte da contenda. Ademais hai que engadir a exclusión do noso cancerbeiro Tusi, debido a unha actuación impulsiva debido a excesiva intensidade coa que estaba xogando, o que obrigou a saír a Xurxo durante o que quedaba de partido. Ante esta situación o partido acabou sendo algo aburrido para o público e cheogouse ao remate do partido cun marcador de 42-25 a favor dos nosos rapaces.

Foi unha boa maneira de pechar o ano, agora tocan unhas merecidas vacacións pero sen olvidar que 2012 ven aí e hai que voltar con máis forza aínda, se cabe.

¡¡VAMOS CHAVALES!!